مشتريات المكياج Makeup Haul ♥♥

السلام عليكم ورحمة الله وبركاته ♥♥

اعرف انو مقصره كثير في حق البلوق واني حطمت الرقم القياسي لان ليا شهر تقريبا مانزلت بوست لكن الكسل ومايفعل وبرضو انشغلت مع الدراسة لذلك اعذروني 
الفترة اللي راحت اغلب مشترياتي كانت ميك اب وعجبتني و نالت على اعجاب كثير من البلوقرز ف لذلك حبيت اشتريها واقولكم  رأيي عنها في الايام الجايه ♥♥
ويلا نبدا في البوست ♥♥



وظيفة البرايمر يكون طبقة عازلة بين البشره والفاونديشن ويهيء البشرة للميك اب و بيطلع بشكل افضل ويمنع وجود الخطوط يعبي المسام ويثبت الميك اب لفتره اطول , لو كانت بشرتك من النوع اللي يتقشر فيه الفاونديشن راح تنحل هذي المشكلة مع ترطيب الوجه و البرايمر المناسب لك , يناسب صاحبات البشره الدهنية لانو يقلل من افراز الدهون واللمعان، البرايمر المصحح هذا النوع يجي على شكل الوان عشان يصحح مشكله معينه من مشاكل البشره مثلا احمرار الوجه يستخدم لو برايمر يخفف الاحمرار ♥♥


اخذت هذا النوع من البرايمر لاني حسيتو اكتر واحد يناسبني لان بطبيعه بشرات العرب تميل للشحوب والاصفرار واكيد بعض الاحيان تكون البشره مرهقه فتحتاج لو  البشره عشان تستعيد رونقها ونضارتها طبعا بأمكانك تستخدميه لحالو بدون فاونديشن  ♥♥
سعرو : 160 SR





*اللون الأبيض Nautral : يضيف لمعان طبيعي للبشره 
* اللون الأخضر Green : يقلل الاحمرار 
* اللون البنفسجي Mauve : يعطي نظارة للوجه وبقلل الشحوب والاصقرار 
* اللون الكراميل Caramel: مناسب للبشرة السمراء ويعطيها رونق 
* اللون الازرق Blue : يستخدم للبشره شديدة البياض والباهتة ويقلل من عيوبها 
* اللون البنك Pink : يغطي البهتان وخاصة البشره المايلة للبياض 
* اللون الاصفر Yellow : يستخدم في الاضاءة القوية ويمتص الضوء ويعكسه على البشرة .

ذكرت في مشتريات سابقة ليا انو انا ناوية اجرب اساس ميك اب فور ايفر الاتش دي ف لما رحت لفرع فيسز و شفت الدرجات المتنوعة واللي تناسب جميع انواع البشرات مع اندرتون مختلف فحسيت انو مممرا شي جميل يعني بسهوله تلاقي الدرجه الي تناسبك ، اخذت درجة 120 مع اندرتون اصفر 
 الاساس جدا مناسب لوقت سهرات او افراح او مكان يوجد فيه اضاءة لانو HD ♥♥
 سعرو : 190 SR 

هذي الصوره توضح ارقام الدرجات والاندرتون تبع كل درجه =) 

البودرة السائبة الشفافة من ميك اب فور ايفر صحيح لونها ابيض لكن لما تحطيها على وجهك مايبان تقدري تستخدميها على منطقة التي زون و تقدري تستخدميها كلمسة نهائية على الوجه عشان تثبت الفاونديشن و الكونسيلر مو شرط تستخدميها على اماكن الهايلايتر عشان ماتديكِ لوك مات من عيوبها تديكِ وقت التصوير لون ابيض اذا كثرتي ♥♥

 زي الشكل اللي في الصوره :

سعرها : 155 SR 

طبعا اخذت نوعين من الكونسيلر واحد غامق يميل للأورنج استخدمو كمصحح للهالات عشان مايقلب اللون رمادي و الكونسيلر الثاني نوعو PRO longwear   الكونسيلر هذا يتحتوي على نسبة حمايه من الشمس 10 spf وتغطيته متوسطة و جميله جدا في اخفاء الهالات بدون اي تكتل او تخطيط تحت العين ♥♥
 اسعارها مابين 107 الى 140 SR

روج ريبل Rebel من ماك اللون اليم لفتره الليل ويناسب فصل الخريف والشتاء طبعا لونو بنفسجي على عودي اللون جاي اليممممم بشكل مو صاحي نوعو ساتين فيه نسبة ترطيب يناسب اغلب البشرات ♥♥

سواتش لو : 

سعرو : 98 SR

اخر شي غراء الرموش من ماك طبعا موجود في ماك و انجلوت لكن بما انو لسى مافتح انجلوت في المدينه اشتريتو من ماك خفيف ومايعدم الرموش كثير وتلصق الرموش بدون ماتطيح او تتأثر مع الوقت ينفع تستخدميه وقت المناسبات 

سعرو : 62 SR 

هذا بوست اليوم ان شاء الله يعجبكم وتسفيدوا منو
شكرا لدعمكم =) 
دمتم بحب ♥♥

August Favorite مفضلات شهر اغسطس *

السلام عليكم ورحمة الله وبركاته ♥
كيف حالكم مع اخر ايام الإجازه "(  الله يعيدها علينا واحنا بخير وعافيه ياارب ♥♥
فيه احد عدل نومه ولا للحين النوم متلخبط ? *عن نفسي نومي مو متلخبط وبس الا متلخبط قليله عليه*
بدايةً سامحوني على التقصير في حق المدونه انشغلت بالمناسبات كثير لكن ان شاء الله راح اعوضكم ♥♥
بوست اليوم عباره عن مفضلات شهر اغسطس اكثر اشياء حبيتها واستخدمتها في هذا الشهر وراح اقولكم رأيي عنها بالتفصيل عشان تستفيدوا , يلا نبدأ :

المناديل هذي حقت البيبي استخدمها لإزاله الميك اب بس يكون ميك اب خفيف يعني مو حق سهرات لأنو ماراح ينفع معاكي , اول شيء المناديل هذي خاليه من العطور وبرضو مصنوعه  98%  من مياه نقيه ومناسبه للبشره الحساسه يعني ما منها خووف ابداً , انا جربتها وماحسست وجهي *بس مو شرط اذا ناسبتني تناسبك*  بعدها ابخ على وجهي مويه ورد , تقدري تستخدمي مناديل إزاله الميك اب وبرضو هذي , تنفع كثير في اوقات الدوام نرجع تعبانين مافينا نسوي شيء , برضو تنفع للسفر , اخذتها من صيدليه بوتس كان عليها عرض تاخذي 5 منها بسعر مغري *ناسيه السعر صراحه هههههه لأني حاسبت على اشياء كثير معاها بس أكيد مو اكثر من 50 ريال*

المناكير المناكير المناكير *حب ابددي* , هذي المناكير اخذتها من اتش اند ام مرره حبيتها بس عيبها شيء واحد انو صعب إزالتها شويه خصوصا لو كنتي حاطه اكثر من طبقه منها , انا احب استخدمها على ظفر واحد او 2  احسها تجي انعم و احلى زي كذا شوفوا هذا سواتش لها :

تقدري تستخدميها على أي لون أنتي حابتو او لحالها  *إذا حطيتيها فوق لون تبان اكثر* , برضو هذا سواتش لها :

العطر الصغيرون هذا من ذا بودي شوب فيه منو روائح كثير لكن الي عندي بالفانيلا , انا من عشاق ريحه الفانيلا بس ما احب اكلها ههههههههه , استخدمو في اماكن النبض عشان يجلس لأطول فترة , احب اخذو معايه في المناسبات عشان حجمو صغير ويدخل في الشنطة , وبعض الاحيان احط نقطة منو على شعري بعد الشاور , ريحتو تثبت لساعتين تقريباً ♥♥

اكثر سلسال احبو واحب البسو , نااعم ويجي مع اي شيء احب الأشياء الي ماتقيدني بألوان معينه , من زود الحب عندي منو سواره برضو لووول , بس لا تخافوا ماني من النوع الي يطقم x_x اخذتو قبل فترة من اكسيسواريز بحدود الـ 40 كذا :)

الجميلين هذولا لب لاينر من ريميل الأحمر عشان احدد فيه شفايفي قبل لا احط روج احمر اما اللون الثاني اتعب وانا اقول جمييل لونو نيود كذا على بنك مرره حلو اعبي شفايفي فيه واحط فوقو قلوس  ♥_♥  بالنسبه للثبات ثباتو جدا ممتاز يعني مايروح الا اذا جلستي تاكلي وكذا ويروح جزء بسيط منو , هذا سواتش له :

تجذبني الدرجه هذي من الأحمر لا هو الأحمر الناري ولا الي مايل على اورانج ولا مايل على فوشي , لونو احمر غامق لكن مايمد للعودي بصله , ينفع للوك الكلاسيك ♥♥ اسمو Red Fever من ريميل رقمو 230 , سواتش للون :

                           اللون هذا بديل لروج ماك Ruby Woo :

شايفين كيف مافي فرق بينهم *.* 

وبس هذا كان بوست اليوم اتمنى تستفيدوا منو ♥♥

اتمنى لكم كل التوفيق في عامكم الجديد ♥

اشوفكم قريب في بوست ثاني ;*

Review : The Balm Nude Palette مراجعه باليت نيود من ذا بالم ~

السلام عليكم ورحمه الله وبركاته ♥♥

من زمان عنكم .. اشتقت للتدوين كثيير مع اني لسى مبتدئه لكن جد احس بمتعه وانا ادون و افيد الي حولي راجعه لكم وبحماس , أكيد اغلبنا انشغل بالعيد ومناسباتو والاستعداد للدوام , اليوم البوست حيكون سريع ريفيو عن باليت اشتهر في الفتره الأخيره من ذا بالم ♥

الباليت جداً مشابه لباليت نيكد 1 , الباليت مكون من 12 لون 4 منهم مات والباقي شيمري , حقيقي لو خيروني بين باليت نيكد 1 و باليت نيود بختار نيود لسببين الأول هو ان الألوان فيه متنوعه اكثر من باليت نيكد والسبب الثاني من باب التغيير والتجديد يعني لو ابغى اغير من الألوان الترابيه الي متعوده عليها حيكون عندي في باليت نيود اكثر من خيار , شكل العلبه حقت الباليت مره عمليه وكيوت يعني تجذبكي مرره , الفرشه الي تجي مع الباليت جداً سيئه *.* , بالنسبه لي اكثر الوان حبيتها هي Sexy , Seductive , Stand-offish , كنت حابه اسوي ريفيو عن باليت نيكد 1 و 2 لكن ماشاء الله صار اشهر من نار على علم والبلوقرات ماقصروا .. سعر الباليت 36 دولار يعني تقريبا 135 ريال سعودي و ارخص من نيكد 

ماينفع شدو بدون برايمر , البرايمر جدا ضروري لوضوح اللون وثباته وراح تحسي بقيمه البرايمر اذا حطيتي شدو بدونو 

افضل برايمرين جربتهم

 *من اليمين لليسار*

*برايمر من اربن ديكاي جا مع باليت نيكد 1 جمميل جدا يثبت الشدو من جد وسهل في التوزيع 

*الثاني من توو فسيد خفيف على الجفن ينفع للجفن الدهني سهل في التوزيع وكميه بسيطه منو تكفي سعرو تقريباً 100 ريال تلاقوه في سيفورا 

*بالنسبه لبرايمر اربن ديكاي مو موجود في السعوديه لكن البديل عنو برايمر تو فسيد .

سواتش للألوان :

من كل قلبي اتمنى ان الريفيو ينفعكم وتستفيدوا منو 

كونوا قريبين من هنا 

واذا حابين اتكلم عن شيء معين ياليت تكتبون لي في التعليقات تحت

شكرا لكم ♥♥

Get Ready With Me For Eiid Part 4 * استعدي معي للعيد البارت الرابع ♠

السلام عليكم ورحمه الله وبركاته ♥♥

 البوست هذا البوست الأخير من سلسلة استعدي معآي للعيد وحيكون مخصص لشعر طبعا سر جمال المرأه شعرها عشان كذا لازم نهتم فيه من عناية و تسريح  وعذاء غني بالبروتين , مستحيل شعرك يكون فأفضل حالاتو و اكلك كلو خرابيط , لازم تهتمي من الداخل قبل الخارج لانو ينعكس عليك بالنسبة لتساقط الشعر يمكن يكون اسباب مرضية او تغذوية او وراثية , اذا تبغي تعالجي شعرك لازم تحددي السبب من الأسباب اللي ذكرتها بعد كذا لازم تزوري طبيب جلدي يحدد لك السبب الرئيسي لمشكلتك , واكيد مو كل شي يناسب غيرك ممكن انو يناسبك لانو الشعور تختلف و المشاكل تختلف واكيد نص حل مشاكل شعرك هوه انك تعرفي ايش نوعو مثلاً لو دهني تاخذي شامبو يتحكم في الدهون او اذا كان جاف تاخذي شامبو يرطب لك هوآ ♥

 صراحه استمتعت مممرآ بهذي السلسلة واتمنى انكم استفدتو , اليوم جبت لكم صور تسريحات ناعمة بالخطوات ممكن تستفيدي منها او تضيفي اكسسوارات بالطريقة اللي تعجبك  انتي ♥

 يلا خلونا نشوف الصور ♥

* آول خطوة لازم تكوني مستشورة شعرك او مسويتو ليس او اذا حابه تسوي فير للأطراف .

*تسوي ظفيرة من الجنبين و يفضل تكون عريضة شويه تجي بشكل احلى و تثبتيها بشكل معاكس بواسطة البنس و بخه سبرآي ♥

 

 * لو كان عندك ليس وحابة يكون شعرك ويفي ماعليك الا انك تقسمي شعرك لأجزاء و تبرمي كل جزي و تمشي عليه الليس و شوفي النتيجة ♥

 

* استشوري شعرك استشوار خفيف كترتيب بس بعدها سوي شعرك ذيل حصان اقسمي ذيل الحصان لجزئين الجزء الاعلى ظفرية تظفير عريض و الجزء الاسفل ثبتية بالبنس على شكل داثرة بعدها نزلي الظفيرة عليه و ثبتيها بالبنس و رشة سبرآي  ♥

 * سوي شعرك بالليس بشكل خفيف و آفرقي شعرك على جنب البسي الهد بآند اذا كان عندك غره دخليها جوى الهد بآند يآرب تكونو فأهمين علي بعدين تمسكي خصله خصله من شعرك و تدخلي جوى الهد بآند لين ماتخلصي من شعرك و ثبتي بالبنس عشان تضمني ماينفك و رشة سبرآي ♥

  

* اذا كان عندك فيونكة و محتارة كيف تحطيها الصورة هذي يمكن تساعدك تحطيها بكذا مكان و بشكل حلو ♥

* هذي التسريحة تنفع اكثر للي شعورهم قصيره

اول شي سوي شعرك بالفير بعدها قسمية ثلاثة اقسام و القسم اللي في النص اربطيه بعد ماربطتيه ابرميه و لفيه بشكل دائري 

و الجزئين الأمامية سوي ظفيره تكون من الجذور و ثبتيها ♥

* اول شي اربطي شعرك بس يكون في أسفل الرأس بعدها سوي فراغ في النص و دخلي الشعر اللي رابطتو بالفراغ و كرري الحركة لين يكون باقي جزء بسيط من الشعر خذي الزائد و ثبتيه بالبنس زي الصوره ♥

* هذا كان بوست اليوم حاولو تفهمو من الصور لان الشرح مش ولا بُد  

و كل عام و انتم بخير و ينعاد عليكم و انتم بصحة و سلامه يآرب 

ان شاء الله عجبتكم السلسلة و اكيد حتكونو مزز و انبسطو في العيد 

و انسو ايام الكرف في الطبخ 

تابعوني في التويتر و الأنستقرام 

دمتم بحب  ♥

Get Ready With Me For Eiid Part 3 * استعدي معي للعيد البارت الثالث ♠

السلام عليكم ورحمه الله وبركاته ♥♥

البوست اليوم تكمله لسلسله استعدي معي للعيد وحيكون مخصص للميك اب وطريقه عمله , يناسب اكثر البنات الي اعيادهم في الليل أو تكون مناسبه كبيره , طبعاً الميك الي حنسويه حيكون اعتمادنا الكلي على نيكد 1 لأن الوانه جددا ناتشورال و مهمها تخبصي حيطلع شغلك جميل , مو لازم تتقيدي بالميك اب الي انا سويتو من بلاشر او روج او حتى اي شدو المهم توصل الفكره والطريقه لكي وبعدها تغيري في الألوان الي يناسبك ♥

*قبل لا تبدي مكياجك لو كنتي حتلبسي عدسات البسيها لأنو لو لبستيها بعد ماتخلصي ممكن تدمع عيونك وتجلسي تمسحي ويخرب شغلك .. 

 هذي قطره مهدئه ومرطبه للعين يعني وظيفتها ماتختص بالجمال ابدا , الي يميزها عن باقي القطرات انها على شكل انبولات يعني تعيش معك وقت طويل القطرات الثانيه مجرد ماتفتحينها تجلس فتره بعدها ماتقدري تستخدميها , برضو تشيل الخطوط الحمراء الي تجي من التعب و الإرهاق , احب استخدمها قبل الميك اب بشويه عشان تخفف من الم العدسات لما احطها , تقدري تستخدميها لما تشيلي العدسات برضو و قبل النوم , واذا قعدتي وقت طويل ع التلفزيون او الجوال او الاب ..

*خلونا نبدأ في البوست 

* أول شيء لازم تقشري وجهك بمقشر يومي اي مقشر انتي تحبيه

تقدري تستخدمي قبل البرايمر اي مرطب وجه انتي مرتاحه عليه بالنبسه للبرايمر هذا ينحط قبل الفاونديشن تكلمت عنو هنا

بعدين استخدم الفاونديشن حق ماك تكلمت عنو هنا تقدري تستخدمي معاه اسفنجه او بالفرشه

استخدم للحواجب بودره الحواجب من مكياجي تحتوي على شمع و بودره , وظيفه الشمع تثبيت البودره وتقدري تستخدمي البودره لحالها اذا كان صباح , نصيحه لا تبدي ترسمي بالشمع من بدايه الحاجب حيجي شكل الحاجب حاد جدا , ابدي من نص الحاجب واطلعي على يعني ادمجي ولمقدمه الحاجب استخدمي بودره او اي شادو بنفس لون الحاجب

قبل ماتبدي في مكياج العين استخدمي برايمر مو شرط هذا النوع , استخدمي النوع الي انتي متعوده عليه , بالنسبه لهذا البرايمر جا مع باليت نيكد 1

بعد ماتخلصي من رسم الحاجب نظفي حولو بالكونسيلر , بعدها استخدمي اضاءه تحت الحاجب وعند زاويه العين اذا حابه تدي وسع لعينك , بالنسبه للصوره استخدمت كحل ذا بودي شوب من مجموعه الشتاء لونو ذهبي على بيج استخدمتو في الصوره لأن الأضاء الفاتحه او الي يكون لونها لؤلؤي مو باينه على الورقه , لذلك لحد يعلق عليها , استخدمي اي اضاءه تكون فاتحه .

1/ كونسيلر *لكن انا استخدمت كحل ذا بودي شوب الذهبي عشان مايكون فيه فراغ ع الورقه*
2-3/ اضاءه عند مدمع العين و على عظمه الحاجب .
4/ لون فاتح شمري على كامل الجفن
5/ لون غامق على كسره العين وعلى الزاويه الخارجيه للعين و ادمجي مهم مهم الدمج

بعدها حطي ايلاينر , هذا الايلاينر من ميبلين استخدم معاه فرشه اتش اند ام سعرو اقل من 50 ريال *بديل لأيلاينر ماك*

وهنا بعد ماحطيت الايلاينر ♥♥

 بعدها اعكفي رموشك بعكافه الرموش , يجي شكل الماسكرا معاها افضل ♥

بعدها حطي ماسكرا , هذي الماسكرا من ديور اسمها بلاك اوت ماتتكتل معاكي وتطول وتكثف سعرها 163 ريال

بعدها استخدمي اي روج انتي حابتو او لب لاينر او قلوس ♥

  بعدها نظفي تحت العين بالكونسيلر , لو كانت هالاتك غامقه تحتاجي كوريكتر *مصحح* , لانو لو حطيتي كونسيلر وهالاتك غامقه حيقلب لونها رمادي

بعدها البلاشر من ماك اسمو جينجرلي تكلمت عنو هنا

 اخر خطوه الإضاءه , حطيها على عظمه الخد , الانف وبرضو تقدري تستخدميها لتحت الحاجب او عند مدمع العين , هذي الاضاءه من بينفت اسمها واتس اب فيها شيمر يعني ماتقدري تستخدميها الا في المناسبات لونها شامباني جميل ..

هذا كان بوست اليوم اتمنى يعجبكم وبنفس الوقت يفيدكم
سووا ليا فولو في التويتر والانستقرام
باقي بوست واحد من دي السلسله للشعر
شكراً لكم :*