Get Ready With Me For Eiid Part 1 * استعدي معي للعيد البارت الأول ♠

السلام عليكم ورحمه الله وبركاته ♥
اليوم البوست راح يكون بدايه لسلسله تجهيزات العيد من تنسيقات وعنايه بالبشره وميك اب وشعر وكل شيء جميل D;
وكل عام وانتوا بخير وينعاد عليكم بصحه وسلامه ولو انها متأخره ;p
البوست هذا حيكون عن التنسيقات للعيد أكيد كل وحده تعبت لين لقت شيء يرضي ذوقها في السوق ان شاء الله التسيقات الي سويتها تساعدكم وتاخذون منها فكره في تنسيق القطع بأكثر من شكل بالنسبه للقميص الأبيض طبعاً , كل وحده لها ذوق مختلف عن الثانيه وانا حاولت انوع في التنسيقات إلي ترضي جميع الأذواق  
يلا نشوف التنسيقات الأربعه ♥♥

*التنسيق الأول للبنات إلي عيدهم في النهار أو العصر ♥

طبعاً التنسيق مره سمبل ينفع للصباح لما تتجمع العائله شيء ناعم ومريح حلو تكون ناعمه ورايقه في الصباح :) 
البنطلون من أتش اند ام طبعاً تقدري تغيري في التنسيق بالطريقه الي تعجبك وتريحك أهم شيء توصل الفكره
بالنسبه للميك اب حاولي يكون ناعم لأنو صبح يعني روج وكحل وماسكرا وترسمي حواجبك وبلاشر ♥

* التنسيق الثاني برضو للصباح :

برضو هذا التنسيق للصباح طبعا لما تكوني لابسه بنطلون او تنوره مشجره حاولي تكون البلوزه ساده لأنو ماراح يصير فيه تناسق بين القطعتين اذا حبيتي تضيفي شيء للبلوزه تقدري تصيفي سكارف او ستيتمنت نيكلس ♥
الميك اب حلو يكون الروج بينك هادي والبنطلون برضو من اتش اند ام والشوز من تومس و النيكلس من زارا ♥

*التنسيق الثالث يناسب السهرات او الجمعات الي بالليل :

الفستان هذا جامع بين الفخامه والحشمه فوق هذا ججدداا انيق في اللبس ♥♥♥
الفستان هذا من مانجو ,والي يعني ماتبغى تلبس قصير تقدر تلبس تحتو تايت , بالنسبه للشعر حلو تسويه ويفي او تكسير والميك اب حاولي يكون الفوكس على العين والروج يكون نيود ♥

*التنسيق الرابع والأخير وبرضو يناسب جمعات الليل :

التنسيق هذا مرا فانتاستك ♥♥
القميص الأبيض يكون داخل جوا التنوره و الجاكيت الجينز يكون مفتوح زي كذا شوفو ♥_♥ 

تقدري تغيري القميص الأبيض لـ بودي او تيشيرت ابيض ♥

وبالنسبه للتنوره تلاقوها في مانجو 

ان شاء الله عجبتكم التنسيقات والسلسله هذي 

اتركوا لي تعليقاتكم هنا واسألتكم راح تسعدني كثير ♥♥

سوو ليا فولو في التويتر و الانستقرام 

دمتم بحب وسعاده ♥

DIY Benetint سويه بنفسك ♣

السلام عليكم ورحمه الله وبركاته ♥♥
اليوم البوست DIY اختصار لـ Do it yourself معناها سويه بنفسك او اصنعيه بنفسك ♥♥
حنسوي اليوم نفس منتج بينفت إلي هوا البينتنت بطريقه سهله جداا وغير مكلفه 

المنتج عباره عن سائل لونه يميل للأحمرار الغرض منه تحطينو على الخد 3 نقط منه تكفي وتدمجينه بأصباعك بسرعه لأنه ينشف بسرعه المهم تدمجينه قبل لا تسوي للخد الثاني ونفس الشيء على الشفايف يعطي لوك طبيعي جداا يعني كأن هذي شفايفك وهذي خدودك ♥

بالنسبه للثبات ثباته ممتاز لكن الي حنسويه اليوم ثابت اكثر منه < يمديكم :p

سعرو : 160 ريال من بينفت 

راح تحتاجي لـ مويه ورد , دم الغزال وهذي كلها تلاقيها عند العطار , وعلبه عشان نحط فيها الي حنسويه ♥

* ربع ملعقه صغيره من دم الغزال 

*ملعقتين كبيره مويه ورد

وهذا الخليط حقنا بالله فيه فرق ؟

سواتش للونين :

الفرق بسسيط جدا ولا يذكر اللهم ان البنتينت يميل للبنك والي سويتو يميل للأحمر ♥♥

والي سويتو ثابت اكثر :D

وبس هذا هوا البوست ان شاء الله حبيتوه 

تابعوني على التويتر والانستقرام 

و اشكر كل وحده دعمتني ♥♥♥

دمتم بحب ♥

Review: Sun In مراجعه الـ سن ان ~

السلام عليكم ♥♥
البوست اليوم حيكون عن منتج للشعر عباره عن بخاخ يفتح لك لون شعرك مهما كان لونو يعني لو شعرك كان بني غامق وبخيتو منو حيصير بني فاتح او كان اشقر غامق حيصير اشقر فاتح .
رأيي عن المنتج :
من اكثرر المنتجات إلي احبها وراح ارجع اشتريه مره واثنين وثلاثه شيء جممميل وما ياخذ وقت ويعطيكي لون طبيعي جددا كأنو دا لون شعرك الحقيقي مره ناسبني انا طبيعه شعري مو غامق مره فـ بان اللون على طول صار كذا بني فاتح شويه لكن مره طبيعي .. صراحه لو اتكلم فيه من اليوم للصبح ما اوفيه حقو ♥♥♥♥

* فيه منه 3 أنواع :

النوع الأول لونه أحمر وهو مخصص للشعر السميك .

النوع الثاني الأورانج وهو للشعر المتوسط السماكه .

النوع الثالث مناسب للشعر الناعم والخفيف والي بسرعه يبان فيه الصبغ (وهذا النوع نفس إلي عندي)

هذا شكل العبوه من الخلف يوضح لك لون الشعر قبل وبعد انا تقريباً شعري زي الي في الأخير  Medium Brown ♥♥

* عيوب المنتج :

مثلاً لو كثرتي عدد البخات على جزء من الشعر حيطلع اللون افتح عن باقي اجزاء الشعر لكن محا يفرق مره 

يعني كل ماكثرتي عدد البخات حيفتح اللون اكثر لين توصلي للدرجه المطلوبه ..

* طريقة الإستعمال :

1- طبعاً أول شيء لازم يكون الشعر مبللول 

2- جربي اول شيء على خصله من شعرك عشان يمكن تتحسس بشرتك من المنتج وفي نفس الوقت تشوفي اللون كيف يطلع يمكن مايعجبك !

3- اذا عجبك اللون و اقتنعتني فيه البسي قلفز وبخي على شعرك في كل مكان حاولي تكون البخات بنفس العدد يعني بخيتي في الجزء الأيمن من الشعر بختين برضو بخي في الجزء الأيسر بختين وهكذا .

4- بعدها جيبي مشط ومشطي شعرك عشان تتوزع الصبغه على جميع الشعر 

5- الحين لكي خيارين إما تطلعي في الشمس عشان يطلع معاكي اللون لين ينشف شعرك أو بالإستشوار وهوا الطريقه الأسرع

6- إذا ما بان اللون معاكي تقدري تعيدي لين توصلي لدرجه اللون إلي انتي حابتها 

طبعاً للأسف ان المنتج هذا مو متوفر عندنا في السعوديه :( 

زمان كان فيه لكن قطعوه :(

العبوه إلي في اليمين (البيضاء) جبتها من دبي لو تلاحظون مكتوب عليها For Men غلطت في النوع لكن عادي ماتفرق

والعبوه الثانيه (الصفراء) وصيت احد يجيبه لي من امريكا ♥♥

* مافيه اي فرق بينهم كلهم يؤدون نفس الوظيفه 

بيني وبينكم الحين دبي كل الناس تروح لها يعني تقدري توصي أي احد يجيبها لك أو تقدري برضو تطلبيها من امازون ♥

سعرها في دبي بـ 40 درهم ♥

وبس هذا هوا البوست حق اليوم اتمنى تستفيدوا منه ♥

إذا فيه أي اشياء حابين اتكلم عنها قولوا لي 

سووا ليا فولو في التويتر والإنستقرام 

دمتم بحب ♥

MAC Haul ! اغراضي من ماك ♥

السلام عليكم
رجعت لكم ببوست ثاني وان شاء الله ينال إعجابكم ♥♥
حتكلم عن اغراضي من ماك يمكن لو وحده فيكم محتاره ايش تاخذ من ماك يفيدها الموضوع هذا وتاخذ خلفيه عن كذا شيء
يلا نبدأ بالبوست ♥
* البرايمر
وظيفة البرايمر يثبت الميك اب لفترة طويله ويعبي المسام والخطوط وينعم البشره ويديها نضاره ينحط قبل الفاونديشن
صرت ما استغني عنو قبل الفاونديشن اعتبرو من الاساسيات عندي في الميك اب .
* الفاونديشن

الدرجه NC20 اسمه Studio Fix-Fluid SPF-15
من الأسم فيه اس بي اف 15 تغطيته من متوسطه لثقيله اذا كثرتي اذا خلص ماراح ارجع اشتريه لأن فيه خيارات كثيره في الفاونديشن وراح اجرب حق فور ايفر ..
* البلاشر

استخدم ثلاثه بلشرات من ماك وكلها جميله واحبهها اثنين منها باودر و واحد كريمي
*من اليمين لليسار*
اول واحد Gingerly :
لونو برونز هادي مو غامق ولا فاتح نوعو شيرتون هذا النوع تقدري تتحكمي في درجه اللون من خفيف لثقيل شفت كثير اجانب يتكلموا عن البلاشر هذا انو بلاشر كيم كارديشيان يليق للبشره الحنطيه الي البيضاء ثباتو ممتاز استخدمو بعض الاحيان للكونتور خفيف للخد في الصباح .

ثاني واحد Fever :
نوعو مات لونو غامق شويه مسحه منو تكفي اعتبرو شيء جميل للتوفير لان اللون يطلع معك بسرعه مايحتاج تحطين كذا مره يناسب جميع البشرات .

ثالث واحد Posey :
نوعو كريمي ينفع للصباح ومره طبيعي على الخد من اشهر البلشرات عند ماك واكثرها مبيعاً يناسب البشره الحنطيه إلى البيضاء.

* الأرواج :

*من اليمين لليسار*
تلاحظون في الصوره ان الارواج كلها تتشابه لكن في الحقيقه يختلفون اختلاف بسيط عن بعض عموماً هذي الارواج احب استخدمها في الصباح ..
CAPTIVE :
 لونه موف هادي مع اندرتون وردي يناسب البشرات من الحنطيه الي البيضاء اذا كان لون بشرتك غامق راح يبين عليكي اللون فاتح اما اذا كان لون بشرتك فاتح راح يبين عليكي غامق .
CREME IN YOUR COFFEE :
من اكثر الارواج الي احبها وراح ارجع اشتريه اذا خلص مره يفك ازمات اذا كنت محتاره ايش احط روج احط منو وخلاص.
AMOROUS :
هذا الروج لونو قريب من كابتف مرررره لكن هذا اغمق منو شويه اقدر احط منو في الصباح وبرضو في المناسبات .
CRAVING :
لونو وردي مرره حلو وناعم احسو ينفع لكل لوك .

الأرواج الجميله هذي الاوانج والفوشي ألوان صيف ومناسبه جدا للسهرات وجريئه ..
*من اليمين لليسار*

VEGAS VOLT :
لونو مشمشي رايق ينفع للسهرات والصباح .
IMPASSIONED :
لونو فوشي جريء اذا بتحطيه لازم يكون ميك اب العيون خفيف لأن التركيز حيكون عليه .
MORAGE :
لونو اورانج جريء جدا ينفع للبشره الآسيويه المايله على الصفار يجي يخقق مرره ♥♥

سواتش للبلاشرات :

سواتش للأرواج :

اتمنى انو البوست هذا يفيدكم ♥♥

سووا ليا فولو في التويتر والانستقرام ♥

واذا عندكم اي اقتراحات او استفسارات اسألوني 

دمتم بحب ♥

My daily makeup routine روتيني اليومي في الميك اب ♥♥

السلام عليكم
هذآ اول بوست ليآ و ان شآء الله مايكون الآخير هههههههههههههه
طبعا هوآ بوست عن الميك آب اليومي

اول شي اعتذر عن رداءة التصوير مبتدئة سلكوا لي
نبدأ بالأغراض اللي في الصوره


اول شي أقشر وجهي بمقشر خفيف من بودي شوب من مجموعة فيتامين C
و انشف وجهي بشكل تربيت بالمنشفه
السعر : 58 ريأل

بعدها واقي الشمس من بيودرما ممرآ ممتاز كحمايه من الشمس و ترطيب
السعر : 100 وشي

بعدين احط من البي بي كريم اللي جنن العالم و اتوقع مافي احد ماتكلم عنو
عندي الدرجتين المديم و الآيت
الآيت نفس لوني لكن لو حبيت اسوي لوك برونز احط من المديم
اوزعو ب الستبلينق برش من ريل تكنيك طلبتها من برآ غير متوفره هنا
سعر البي بي كريم : 30 ريآل

بعدها بودة الحواجب من مكياجي ارسمها بالبودرة الموجودة بدون الشمع حقها
رقمها 1 ارسمها بالفرشه المشطوفة من H&M
*نسيت اصورها*
سعرها  : نآسيه لأنو من زمان ماخذتها
سعر الفرشة : 26 ريال

بالنسبة للشفايف استخدم روجين من ماك و روج من ريميل

روج من مآك اسمو vegas volt
*سواتش من النت *

و روج من مآك اسمو craving
سواتش لو :

و روج ريميل  رقمو 77 و اسمو ASIA :
*سواتش من النت*

بعدها اكحل عيوني من كحل بودي شوب الذهبي من مجموعه الشتاء مرآ يجنن بالعيون
سعرو : 42 ريال

بعدين المسكآرآ من ميبلين الصفرآ تكثف و تطول الرموش تنفع لصبآح و لو خلصت برجع اشتريها اكيد

و بقي الخدود استخدم بلشرين من مآك الأول برونز بودر لونو مرررا جميل  و الثآني بنك كريمي يبين طبيعي
الاول اسمو Gingerly
وهذآ سواتش لو :

و البلشر الثآني من مآك اسمو posey :

آسعار بلشر مآك : 115 ريال

بعض الاحيان اذا ماكنت فايقة و مالي خلق لشي او كنت مستعجلة استخدم البيتت من بنفيت على خدودي و ادمجو بالستبلينق برش و على شفايفي
سعرو : 160 ريال
لقيت لو بديل من ذا بودي شوب نفس الفكرة للشفايف لكن يمديك تستخدميه للخدود و بسعر آرخص بكثير و آن شآء الله حيجي يوم و اوريكم كيف نسوي البنيتت في المنزل بمكونات رخيصة في بوست جآي ان شآء الله

هذا كآن كل شي بالنسبه لليوم و ان شآء الله تكونو استفدتو بليز فولو في التويتر و الانستقرآم

دمتم بحب ♥♥

Hello

السلام عليكم 

كيفكم بنات ؟

قررت وبمشيئة الله إفتتاح هذي المدونة ان شاء الله تفيدكم من ناحية الميك اب و الفاشن واستفيد منكم 

خليكم قريبين و ادعموني 

ترقبوا البوست الأول 

شكرا لكم