السلام عليكم ♥♥
البوست اليوم حيكون عن منتج للشعر عباره عن بخاخ يفتح لك لون شعرك مهما كان لونو يعني لو شعرك كان بني غامق وبخيتو منو حيصير بني فاتح او كان اشقر غامق حيصير اشقر فاتح .
رأيي عن المنتج :
من اكثرر المنتجات إلي احبها وراح ارجع اشتريه مره واثنين وثلاثه شيء جممميل وما ياخذ وقت ويعطيكي لون طبيعي جددا كأنو دا لون شعرك الحقيقي مره ناسبني انا طبيعه شعري مو غامق مره فـ بان اللون على طول صار كذا بني فاتح شويه لكن مره طبيعي .. صراحه لو اتكلم فيه من اليوم للصبح ما اوفيه حقو ♥♥♥♥
* فيه منه 3 أنواع :
النوع الأول لونه أحمر وهو مخصص للشعر السميك .
النوع الثاني الأورانج وهو للشعر المتوسط السماكه .
النوع الثالث مناسب للشعر الناعم والخفيف والي بسرعه يبان فيه الصبغ (وهذا النوع نفس إلي عندي)
هذا شكل العبوه من الخلف يوضح لك لون الشعر قبل وبعد انا تقريباً شعري زي الي في الأخير Medium Brown ♥♥
* عيوب المنتج :
مثلاً لو كثرتي عدد البخات على جزء من الشعر حيطلع اللون افتح عن باقي اجزاء الشعر لكن محا يفرق مره
يعني كل ماكثرتي عدد البخات حيفتح اللون اكثر لين توصلي للدرجه المطلوبه ..
* طريقة الإستعمال :
1- طبعاً أول شيء لازم يكون الشعر مبللول
2- جربي اول شيء على خصله من شعرك عشان يمكن تتحسس بشرتك من المنتج وفي نفس الوقت تشوفي اللون كيف يطلع يمكن مايعجبك !
3- اذا عجبك اللون و اقتنعتني فيه البسي قلفز وبخي على شعرك في كل مكان حاولي تكون البخات بنفس العدد يعني بخيتي في الجزء الأيمن من الشعر بختين برضو بخي في الجزء الأيسر بختين وهكذا .
4- بعدها جيبي مشط ومشطي شعرك عشان تتوزع الصبغه على جميع الشعر
5- الحين لكي خيارين إما تطلعي في الشمس عشان يطلع معاكي اللون لين ينشف شعرك أو بالإستشوار وهوا الطريقه الأسرع
6- إذا ما بان اللون معاكي تقدري تعيدي لين توصلي لدرجه اللون إلي انتي حابتها
طبعاً للأسف ان المنتج هذا مو متوفر عندنا في السعوديه :(
زمان كان فيه لكن قطعوه :(
العبوه إلي في اليمين (البيضاء) جبتها من دبي لو تلاحظون مكتوب عليها For Men غلطت في النوع لكن عادي ماتفرق
والعبوه الثانيه (الصفراء) وصيت احد يجيبه لي من امريكا ♥♥
* مافيه اي فرق بينهم كلهم يؤدون نفس الوظيفه
بيني وبينكم الحين دبي كل الناس تروح لها يعني تقدري توصي أي احد يجيبها لك أو تقدري برضو تطلبيها من امازون ♥
سعرها في دبي بـ 40 درهم ♥
وبس هذا هوا البوست حق اليوم اتمنى تستفيدوا منه ♥
إذا فيه أي اشياء حابين اتكلم عنها قولوا لي
سووا ليا فولو في التويتر والإنستقرام
دمتم بحب ♥
كم بيظل اللون بالشعر !؟
ردحذفزي الصبغه حبيبتي ثابت
حذفشكرا جزيلا لك ، انا شعري اسود وشريت اللي باليمون وكلن قالي انه للشعر الفاتح للحين ما استخدمته من الخوف بس دامك قلتي ان الانواع كلها تؤدي الى نفس النتيجه خلاص بتوكل على الله
ردحذففين بالضبط في دبي ؟
ردحذفوين في دبي ؟؟؟
ردحذفاي واحد قصدك الاصفر ولا الابيض؟ الي سعره 40 جرهم
ردحذفلوسمحت انا عايزه اجيبه منين او توصلهولي ازاي وسعره كام بالظبط ؟!
ردحذفمافيه منه بالسعوديه
ردحذف